حكوومه‌تی كوردی یان چه‌كه‌ره‌ی خه‌ونی میلله‌تێك !

له به‌ین جه‌ماوه‌ر و حكوومه‌تدا، په‌یوه‌ندییه‌كان هه‌موو ساتێ دوولایه‌نه و دووته‌ره‌فه‌ن! هه‌ر لایه‌نێك ته‌نیا كاتێ ئه‌توانێ چاوه‌ڕوانیی جێ‌به‌جێ‌بوونی ئه‌ركه‌كانی لایه‌نی‌تر بكات كه خۆی به‌شه‌ئه‌ركه‌كه‌ی به ئه‌نجام گه‌یاندبێ. به‌م پێش‌بۆچوونه‌وه، چاوخشاندنێكی خێرا به سه‌ر دۆخی ئه‌مڕۆی كوردستانی باشووردا بۆمان ده‌رئه‌خات كه به‌ ناو حكوومه‌تی كوردی به هۆی بێ‌به‌رنامه‌یی وه‌حشه‌تناكی – كه ئاكامی نه‌زانینی شێوازی حكوومه‌ت‌داری و پیاده‌كردنی بیر و ئه‌ندێشه‌ی دارێژراوی شاخه له شاردا – نه ته‌نیا ئه‌ركه‌كانی سه‌رشانی خۆی جێ‌به‌جێ ناكات، به‌ڵكوو خۆیشی له هه‌رجۆره وه‌ڵام‌دانه‌وه‌یه‌ك گێل كردوو و ئه‌كات! ئه‌مه له حاڵێكدایه كه كورد به هه‌موو هێزێكه‌وه و هه‌موو ساتێك بۆ گه‌یشتنی به دونیایه‌كی باش‌تر هه‌وڵی داوه و ئه‌ركه‌كانیشی زۆرتر له ئاستی چاوه‌ڕوان‌كراوی خۆی جێ‌به‌جێ‌كردووه. نموونه‌یه‌كی به‌رچاوی ئه‌م بێ‌به‌رنامه‌ییه كه منی دانیشتووی ئه‌م‌دیویش له گه‌ڵیدا تووشی كێشه بووم، نه‌بوونی سووته‌مه‌نی‌یه له كوردستانی رۆژهه‌ڵاتدا به جۆرێ كه به هۆی قاچاخ‌كردنی بۆ ئه‌و دیوۆ، نرخی به‌رمیلێك نه‌وت له 4 هه‌زار تمه‌نه‌وه، گه‌ییوه به 30 هه‌زار تمه‌ن له ناو شاردا! جا ئه‌بێ دانیشتووانی بێ‌تاوانی ئه‌و دیو به چ نرخێك بگاته ده‌ستیان و چۆن بتوانن له توانای سه‌ندنی بێن؟ ئه‌مه وای كردووه كه هه‌موو كوردێك تووشی بێ‌باوه‌ڕی بێت به خه‌ونه‌كانی خۆی و باوكه‌كانی و خانه‌گومان بێت له رۆژێك كه خۆیان ببن به خاوه‌ن ده‌سه‌ڵات! لێره به هۆی كه‌وتنه ژێر فشاری جه‌ماوه‌ره‌وه، هه‌موو جوێنه‌كان و زۆرینه‌ی قسه ناشیرینه‌كان ئاراسته‌ی ده‌سه‌ڵاتی گه‌نیوی كه‌سانێك ئه‌كه‌ن كه ئه‌م وه‌زعه‌یان خولقاندووه. ئاخۆ له‌و دیو كه وه‌زع زۆر خراپ‌تره، چۆن بڵێن و چی بكه‌ن؟!

/ 2 نظر / 11 بازدید
فرهاد

سلام. بجای این همه نق زدن و ناله از زمین و زمان بهتر است تمرکزتان را بدهید به کارهای مثبت و لذت بردن از این یک باری که زندگی می کنید. درختی بکارید، گلی بپرورید، در فکر بهبود بخشیدن به روش تدریستان باشید، کتابی به/از کردی ترجمه کنید، رنگ بخرید در و دیوار رنگ و رو رفته محیط دور و برتان را و شهرتان را رنگ بزنید، جشنی بگیرید، شاگردان را ببرید دسته‌جمعی محیط زیست را تمیز بکنند ..... دوستدار همه ایرانیان. فرهاد

ڕێنێسانس

بابه‌تێکی جوانه‌؛ به‌ ئیزنی خۆت منیش له‌ ماڵپه‌ڕدا بڵاوم کرده‌وه‌ و بۆ ئه‌وه‌ی زیاده‌ڕۆییم نه‌کردبێ ئادرێسی وه‌بلاگه‌که‌تانم له‌ ژێری دانا ... سه‌رکه‌وتوو بن